मिठीत घेता मला तु, वाटते अल्लड होउन जावं

मिठीत घेता मला तु,
वाटते अल्लड होउन जावं
अधीर ह्रदयाने तेव्हा मग
थोडं शांत शांत रहावं

सहवास लाभता प्रेमतरुचा 
मन चिंबचिंब न्हाउन निघावं
गोडगुलाबी गालावर या
खळीने जरा अजुन फुलावं


त्रृतु असुदे हिरवा, बरवा
तुझ्याचसाठी सदा झुरावं
पापणीच्या पडद्यामागे
रुप कायम तुझं असावं

क्षणाक्षणाची फिकीर नसवी
काळाने थोडं संथ व्हावं
भेटता तुजला असे वाटते 
सृष्टीचक्राने थांबुन जावं

मंद मंद वारा असा हा
अंगअंग मोहरुन यावं
मळभ दाटले मनात सारे
तुला पाहताच निरभ्र व्हावं

कवेत तुझ्या येते ग्लानी
तसेच स्वप्नात गुंफत रहावं
मिठीत घेता मला तु,
वाटते अल्लड होउन जावं

कवि : दत्ता हुजरे
संग्रह : कवि मन माझे