रविवार, ८ ऑक्टोबर, २०१७

सारेच धुसर झाले ते स्वप्न रंगलेले

मी शब्दात गुंफलेले
बंधात बांधलेले
सारेच धुसर झाले
ते स्वप्न रंगलेले

हळुवार आयुष्याचा
तु भाग होत गेली
मनोहर क्षणाची कितीदा
तू सोबती झाली
श्वास थांबलेला
आता सगळेच संपलेले
सारेच धुसर झाले
ते स्वप्न रंगलेले

आठवणीची उजळणी
कितीदा करून झाली
अजून दिसते आहे
ती सांजवेळ ओली
तुला कधी ना उमगले 
बोल अंतरीचे दाटलेले 
सारेच धुसर झाले
ते स्वप्न रंगलेले

कोणत्याही टिप्पण्‍या नाहीत:

टिप्पणी पोस्ट करा